Aqtóbede 700-den astam adam úı karantıninde jatyr

AQTÓBE. QazAqparat – Aqtóbe oblysy boıynsha 739 adam úı karantıninde jatyr. Olardyń barlyǵy medtsına qyzmetkerleriniń baqylaýynda, dep habarlaıdy QazAqparat tilshisi.

Ótken táýlikte óńirde 13 adamnan koronavırýs ınfektsııasy anyqtaldy. Aqtóbe qalasy men Oıyl aýdanynyń turǵyndary derttiń sımptomdy túrine shaldyqqan. Oblystyq sanıtarııalyq-epıdemıologııalyq baqylaý departamenti baspasóz qyzmetiniń habarlaýynsha, aqpan aıynda 100-ge jýyq adam vırýs juqtyrǵan. Al búginge deıin 4191 jaǵdaı tirkeldi. Onyń 94 paıyzdan astamy jazyldy. Qazirgi tańda úı karantınine 739 adam bar.

«Qazirgi kezde koronavırýs ınfektsııasyn juqtyrǵan 175 naýqas em qabyldap jatyr. Onyń 45-i ınfektsııalyq statsıonarlarda. Tórt naýqas jansaqtaý bóliminde bolsa, bireýi ókpeni jeldetý apparatyna qosylǵan. Ótken táýlikte 1 adam pnevmonııaǵa shaldyǵyp, aýrýhanaǵa tústi. Barlyǵy 46 naýqastyń ókpesi qabynyp, em qabyldap jatyr. Onyń beseýi jansaqtaý bóliminde», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, óńirde monıtorıng toby da jumys istep jatyr. Qalalyq úılestirý ortalyǵyna 14 habarlama túsip, tekserildi. Jospardan tys tekserý júrgizilip, 5 kásipkerge 500 myń teńge aıyppul salyndy.

«Turǵyndarǵa maska taǵý, araqashyqtyqty saqtaý týraly erejeni taǵy bir eske salamyz. Shekaradaǵy sanıtarlyq beketterde de baqylaý jalǵasyp jatyr. Qazir 26 adam karantındik statsıonarda, medıtsına qyzmetkerleriniń baqylaýynda. Olarda PTR anyqtamasy bolmady», - dedi oblystyq sanıtarııalyq-epıdemologııalyq baqylaý departamenti basshysynyń orynbasary Muhtar Serbaev.