Aqtóbede 70 myńǵa jýyq adam revaktsınatsııadan ótti

AQTÓBE. QazAqparat – Aqtóbede turǵyndardyń 70% jýyǵy vaktsınanyń eki komponentin de saldyrdy. Al 70 myńǵa jýyq adam revaktsınatsııadan ótti, dep habarlaıdy QazAqparat tilshisi.

Aqtóbe oblysy boıynsha ótken táýlikte 66 adamnan koronavırýs ınfektsııasy anyqtaldy. Ótken aptada juqtyrý kórsetkishi sál tómendegenimen, oblysta qazir 310 adam ınfektsııalyq statsıonarlarda jatyr. Onyń 23-i jansaqtaý bóliminde bolsa, tórteýi ókpeni jasandy jeldetý apparatyna qosylǵan.

«Qazirgi kezde ınfektsııalyq aýrýhanadaǵy kereýettiń 70% bos emes. Sondyqtan oblystyq ftızıopýlmonologııalyq ortalyqtan taǵy 120 tósek-oryn jasaqtalyp, naýqastar qabyldanyp jatyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, oblysta 47 mobıldi monıtorıng toby jumys istep tur. Bıyl 827 myń teńgeni quraıtyn 18 ákimshilik aıyppul salyndy. Jalpy «Ashyq» qosymshasy arqyly «qyzyl» mártebesi bar 136, «sary» mártebesi bar 33 adamnyń karantın shekteýin saqtamaǵany anyqtaldy.

«Búginge deıin 400 myńǵa jýyq aqtóbelik vaktsınanyń birinshi komponentin qabyldady. Al 369 myńnan astam, ıaǵnı, vaktsına saldyrýy tıis adamnyń 70% jýyǵy eki dozany da saldyrdy. Al 70 myńǵa jýyq adam revaktsınatsııadan ótti. Qazirgi kezde 12 240 adam Pfizer vaktsınasyn saldyrdy. Onyń 7458-i jasóspirim bolsa, 3500-den astamy bala emizetin ana», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.