Aqtóbede 70 myń gektardan astam jer shegirtkege qarsy óńdeldi
AQTÓBE. QazAqparat - Aqtóbede alqapty shegirtkeden qorǵaý jumysy júrgizildi, dep habarlaıdy QazAqparat tilshisi oblys ákiminiń baspasóz qyzmetine silteme jasap.
Óńirde alqap pen aýyl sharýashylyǵy jerlerin hımııalyq óńdeý mamyr aıynyń sońynda bastaldy. Aýmaqtyq ınspektsııanyń málimetteri boıynsha, 70,39 myń gektar jerdi zalalsyzdandyrý josparlansa, onyń 70,05 myń gektary óńdelgen. Óńdeý eń aldymen, Áıteke bı, Shalqar jáne Yrǵyz aýdandarynda júrgizildi.
Óńir basshysy ýákiletti organdar men oblystyń aýdan basshylaryna shegirtkeniń kóbeıýi múmkin oshaqtaryn anyqtaý jumysyn barynsha kúsheıtýdi tapsyrdy.
Sonymen qatar, kezdesý barysynda COVID-19-ǵa qarsy ekpe alý máseleleri de talqylandy. Koronavırýstyń aldyn alý men ekpeniń mańyzdylyǵyn, ásirese oblys aýdandarynda túsindirme jumystaryn kúsheıtý tapsyryldy.
