Aqtóbede 7 jasar balaǵa nápsiqumarlyq sıpatta kúsh qoldaný deregi boıynsha tergeý bastaldy

AQTÓBE. QazAqparat – Aqtóbe polıtsııasy mektep oqýshysyna nápsiqumarlyq sıpattaǵy kúsh qoldaný deregine qatysty tergeýdi bastap, birneshe saraptama taǵaıyndady, dep habarlaıdy QazAqparat tilshisi.

Aqtóbe oblystyq polıtsııa departamenti baspasóz qyzmetiniń habarlaýynsha, №3 qalalyq polıtsııa basqarmasy 2014 jyly týǵan balaǵa nápsiqumarlyq sıpattaǵy kúsh qoldaný deregine qatysty isti tergep jatyr.

Qylmystyq kodekstiń «Jas balaǵa qatysty nápsiqumarlyq sıpattaǵy kúsh qoldaný áreketteri» baby boıynsha birneshe saraptama taǵaıyndalǵan.

Tergeý bólimshesi barlyq qajetti saraptamany júrgizedi. Qorytyndysy áli daıyn emes.

«Qylmystyq isti tergeý jalǵasyp jatyr, sonymen birge bul is oblystyq PD bastyǵynyń qatań baqylaýynda. Tergeý aıaqtalǵan soń sheshim qabyldanady», - dep habarlady oblystyq PD baspasóz qyzmeti.