Aqtóbede 7 bala qyzylsha juqtyryp, em qabyldap jatyr
AQTÓBE. QazAqparat - Aqtóbe oblystyq juqpaly aýrýlar aýrýhanasynda 7 bala em qabyldap, ekeýi úıine jiberildi. Bala qyzylshany Aqmoladan juqtyryp kelgen, dep habarlaıdy QazAqparat tilshisi.
Aqtóbede birden 7 bala aýrýhanaǵa tústi. Bir-birinen qyzylsha juqtyrǵan balalardyń eshqaısysy ekpe almaǵan.
«Qyzylshaǵa qarsy vaktsına 1 jasynda egiledi. Aýrý juqtyrǵan eki bala medtsınalyq kórsetkish boıynsha ekpeni keıinge shegergen, al beseýi 1 jasqa tolmaǵan soń ekpe almady. Balalardyń ata-analary bir-birimen tanys, aralasady. Aýrý bir-birine juǵyp, tarap ketti. Qazir balalardyń jaǵdaıy birqalypty. Al ekeýi em qabyldap, úılerine jiberildi», - dedi Aqtóbe oblystyq juqpaly aýrýlar aýrýhanasy bas dárigeriniń orynbasary Maıra Nurǵalıeva.
Aıta keteıik, 2018 jyly Aqtóbede qyzylsha aýrýy tirkelmegen. Qazirgi ýaqytta arnaıy shtab jumysqa kiristi. Shtab quramynda oblystyq qoǵamdyq densaýlyq saqtaý departamenti, oblystyq densaýlyq saqtaý basqarmasynyń mamandary, dáriger-ınfektsıonıster bar. Olar halyq arasynda túsindirý jumystaryn júrgizedi.
