Aqtóbede 600-dan astam nysanda «Ashyq» qosymshasy jumys istep tur

AQTÓBE. QazAqparat - Aqtóbede 620 nysan ıesi «Ashyq» jobasyna ótinish berip, barlyǵy QR-kod aldy. Tek oblys ortalyǵy ǵana emes, aýdandaǵy qyzmet kórsetý oryndar da jobaǵa endi, dep habarlaıdy QazAqparat tilshisi.

Qazirgi ýaqytta «Ashyq» jobasyna qatysatyn nysandar qatarynda fıtnes jáne sport klýbtary, saýna, basseın jáne SPA-salondar, teatr, kınoteatr, bılıard, kompıýter klýbtary, loto-klýbtar, balalar oıyn - saýyq ortalyǵy, qoǵamdyq tamaqtaný obektisi jáne 208 erikti qatysýshy bar. Olardyń arasyna ýnıversıtet, kitaphana, keńseler kiredi. Kásipkerler palatasynyń dırektory Sulýpan Shyntasovanyń aıtýynsha, QR-kod alǵan 610 nysannyń 424 - i testilik rejımnen ótip, oblys ákimdiginiń saıtynda jarııalanǵan. Sońǵy 2 aptada kelýshilerdi tirkemegen 27 nysan jobadan shyǵaryldy.
«Ashyq» jobasyna qatysýshylardyń kóbi Aqtóbe qalasynda. Olar - 483. Muǵaljar aýdanynda qosymsha boıynsha 35 nysan, Hromtaý aýdanynda 22, Oıyl aýdanynda 20, Temirde 15, Shalqarda 13, Qobdada 7, Alǵada 6, Baıǵanın jáne Mártókte 5, Áıteke bı, Yrǵyz jáne Qarǵaly aýdandarynda 3 nysan jumys isteıdi. «Ashyq» jobasy boıynsha jumys istegisi keletin kásipkerler keńes alý úshin Aqtóbe oblysynyń kásipkerler palatasyna nemese onyń aýdandyq fılıaldaryna júgine alady», - dep habarlady ÓKP dırektory Sulýpan Shyntasova.