Aqtóbede 6 jasar qyz izdestirilip jatyr

AQTÓBE. QazAqparat – Aqtóbede 6 jasar qyz tańerteń saǵat 10:30-da úıinen shyǵyp ketip, qaıta oralmaǵan, dep habarlaıdy QazAqparat tilshisi.

Aqtóbe qalasyndaǵy Týrgenev kóshesinde turatyn 6 jastaǵy Aılana Batyrbaeva izdestirilip jatyr. Іzdeý jumystaryna eriktiler tobynyń 15-ke jýyq adamy jumyldyrylǵan.

«Biz joǵalǵan qyz turatyn aýmaqty emes, qalanyń ár shaǵyn aýdanynan izdestirip jatyrmyz. Qazir kóbi jumysta. Barlyǵy 15 adam izdeýge shyqty. Al jumys ýaqyty aıaqtalǵan soń izdeýdi kúsheıtemiz», - dedi eriktiler tobynyń múshesi Anastasııa Evseeva.

Oblystyq polıtsııa departamentiniń habarlaýynsha, izdeý jumysy jalǵasyp jatyr.