Aqtóbede 57 jastaǵy qala turǵynyn kólik qaǵyp mert qyldy
AQTÓBE. QazAqparat - Jaıaý júrginshi belgilenbegen jerden joldy kesip ótip, qaza boldy, dep habarlaıdy QazAqparat tilshisi.
Oqıǵa Aqtóbe qalasyndaǵy Maresev kóshesinde boldy. 32 jastaǵy júrgizýshi áıel jaıaý júrginshini qaǵyp ketti.
57 jastaǵy azamat alǵan dene jaraqatynan oqıǵa ornynda kóz jumdy.
Kólik júrgizýshisi Aqtóbe qalasy PB ýaqytsha ustaý ızolıatoryna qamaýǵa alyndy.
«Atalǵan derek negizinde Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý amaldary júrgizilýde», - deıdi oblystyq PD baspasóz qyzmetiniń jetekshisi Erbolat Sarqulov.
Aqtóbe oblystyq PD jol qozǵalysy erejelerin saqtaýǵa jáne oblys joldaryndaǵy kólik quraldary men jaıaý júrginshilerdiń qaýipsizdigi máselelerine jaýapkershilikpen qaraýǵa shaqyrady.
