Aqtóbede 517 saılaý ýchaskesi daıyndaldy
Aqtóbe oblysy Parlament Májilisi men máslıhat depýtattarynyń saılaýyn ótkizýge tolyqtaı daıyn. Oblys ákimi Ońdasyn Orazalın saılaý ýchaskesiniń materıaldyq-tehnıkalyq jabdyqtalýyn qarap shyqty. Sanıtarlyq-epıdemıologııalyq talap ta mańyzdy.
Aıta keteıik, oblystyń 562 351 turǵyny daýys beredi dep kútilip otyr. Daýys berý protsesin saıası partııalar men qoǵamdyq birlestik fılıaldarynyń baıqaýshylarynan ózge TMD men EQYU ókilderi baqylaıdy.
«Óńir basshysy ýchaskelerde saılaýdyń ótýin jáne qatysýshylardyń qaýipsizdigin qamtamasyz etýge baǵyttalǵan jumysty qarap shyqty. Ásirese sanıtarlyq-epıdemıologııalyq talaptardyń saqtalýyna, múmkindigi shekteýli adamdardyń kedergisiz daýys berýine jasalǵan jaǵdaı týraly bildi. Ýchaskelerde pandýstar, tutqalar ornatylǵan, beıimdelgen formattaǵy aqparattarmen jabdyqtalǵan monıtorlar bar. Koronavırýs ınfektsııasynyń taralýyn boldyrmaý maqsatynda medıtsına qyzmetkerleri men eriktilerdiń kezekshiligi uıymdastyrylady», - dedi oblys ákiminiń baspasóz qyzmeti.