Aqtóbede 500 myń gektardan astam jerge shegirtkege qarsy óńdeý júrgiziledi

AQTÓBE. KAZINFORM – Aqtóbeniń ońtústik aýdandarynda shegirtke dernásili anyqtaldy. Ýlaý jumysy osy aptanyń sońynda bastalady.

Aqtóbe oblysynda shegirtkege qarsy ýlaý keler aptada bastalýy múmkin.

- Shegirtke ońtústik aýdandarynda shyǵyp jatyr. Bul dál ýaqyty. Ázirge qorqatyn eshteńe joq. Ýlaýǵa qajetti tehnıka bar, bári daıyn. Atap aıtqanda, Shalqar, Yrǵyz, Baıǵanın, Temir aýdandarynda endi-endi shyǵyp jatyr. Ázirge eshqandaı zııan keltirmeıdi. Osy aptanyń aıaǵyna taman óńdeýdi bastaımyz. Bul aýdandarda ıtalıandyq prýs bar. Boljam boıynsha 513 myń gektar óńdeledi, - dedi QR AShM Agroónerkásiptik keshendegi memlekettik ınspektsııa komıtetiniń Aqtóbe oblystyq aýmaqtyq ınspektsııasynyń basshysy Asylhan Ábtıev.

Aıta keteıik, byltyr Aqtóbe oblysynda 820 myń gektardan astam jer óńdeldi. Ásirese Reseımen shekaralas aýdan aýyldarynda dernásilder tabylyp, ýlandy.