Aqtóbede 500-den astam medıtsına qyzmetkerine vaktsına salyndy
AQTÓBE. QazAqparat – Aqtóbe oblysynda 500-den astam medıtsına qyzmetkeri vaktsına qabyldady, dep habarlaıdy QazAqparat tilshisi.
Aqtóbe oblysy boıynsha medıtsına qyzmetkerlerine 1 myń doza vaktsına jetkizildi. Olar 8 emhanaǵa taratyldy. Qazir oblys ortalyǵynda vaktsınalaý jumystary júrip jatyr.
«Tórt kúnniń ishinde 500-den astam medıtsına qyzmetkeri vaktsına qabyldady. Osy kúnge deıin aýyryp, shaǵym aıtqan adam bolmady. Medıtsına mamandary men men epıdemıologtardy vaktsınalaý jalǵasady, jedel járdem qyzmetkerleri de qabyldaıdy. Ekpe qabyldaý nemese odan bas tartý ár qyzmetkerdiń erkinde. Jumystan shyǵarý, qýdalaý bolmaıdy», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
