Aqtóbede 500-den astam adam alaıaqtarǵa aldanyp qaldy
AQTÓBE. QazAqparat - Jyl basynan beri Aqtóbe oblysynyń aýmaǵynda 528 alaıaqtyq is tirkeldi, dep habarlaıdy QazAqparat tilshisi.
Aqtóbelikter jıi aldanyp qalady. Bıyl 500-den astam alaıaqtyq is tirkelse, onyń 215-i ınternet arqyly qyzmet kórsetý salasyna tıesili. ıAǵnı, tirkelgen qylmystyń 40 paıyzdan astamy vırtýaldy jasaldy. Jyljymaıtyn múlik salasynda 109, jumysqa ornalastyrý jáne oqytý salasynda 85 qylmys tirkeldi.
"Alaıaqtar ınternet resýrstaryn paıdalanyp, jyljymaıtyn múlikti satý týraly jalǵan habarlama beredi. Múliktiń baǵasy naryqtaǵy qunynan aıtarlyqtaı tómen bolady. Olar sizdiń tólem qabilettiligińizdi kórsetýdi suraıdy jáne sizge jaqyn týysyńyzdyń nemese tanysyńyzdyń atyna Vestorn ıÝnıon, Altyn Táj, Manıgram sııaqty jyldam aýdarymdar júıesimen aqsha aýdarýdy jáne oǵan túbirtektiń sýretin jiberýdi suraıdy. Ýaqyt ótkennen keıin habarlasqan adam baılanysqa shyǵýdy toqtatady jáne aqshany basqa adamǵa aýdarady," - dedi oblystyq PD baspasóz qyzmeti.
Polıtsııanyń habarlaýynsha, alaıaqtar memlekettik turǵyn úı baǵdarlamalary aıasynda ońaı jolmen páter alyp berýge ýáde etip, aldaıdy. Jumysqa ornalastyrý úshin de aldap, aqsha alatyndap kóp.
"Ótken jyldyń tamyz aıynan qarasha aıyna deıin Temir aýdanynyń turǵyny "munaı-gaz sektoryndaǵy jalaqysy joǵary jumysqa ornalastyramyn" dep Temir aýdanynyń 15 turǵynyn jáne kórshiles Atyraý oblysynyń 15 turǵynyn aldaǵan. Ol ár adamnan 30 000 - 40 000 teńge kóleminde aqsha alǵan. Sondaı-aq Aqtóbe qalasynyń turǵyny óziniń memlekettik organdardyń birinde jumys isteıtinin aıtyp, arnaıy baǵdarlamamen páter alýǵa kómektesetinin jetkizgen. Sóıtip 12 aqtóbeliktiń aqshasyn ıemdendi. Olar 1 mıllıonnan 12 mln teńgege deıin aqsha bergen", - dep habarlady PD baspasóz qyzmeti.
