Aqtóbede 50 jastaǵy er adamdy qaǵyp óltirgen júrgizýshi izdestirilip jatyr
AQTÓBE. QazAqparat - Aqtóbe qalasyndaǵy Raýan turǵyn úı kesheni aýmaǵynda 50 jastaǵy Pavel Shýmeıkonyń denesi tabyldy. Ony belgisiz adam kóligimen qaǵyp, oqıǵa ornynan izin sýytqan, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa tańǵy saǵat 6:30-da tirkeldi.
«Raýan aýyly mańynda bolǵan jol-kólik oqıǵasynyń kýágerlerine izdeý jarııalandy. Kólik te, kólik ıesi de belgisiz. Pavel Shýmeıko kólik apaty kezinde alǵan jaraqatynan qaza boldy. Polıtsııa qyzmetkerleri oqıǵa ornynan kóliktiń plastmassa synyqtaryn alyp, «VAZ-2107» kóligine tıesili ekenin anyqtady. Kóliktiń aldyńǵy áınegi de shytynaýy múmkin. Sondyqtan osy oqıǵadan qandaı da bir habary bar turǵyndar bolsa, polıtsııaǵa habar berýlerin suraımyz»,- dep habarlady Aqtóbe oblystyq ІІD baspasóz qyzmeti.
