Aqtóbede 5 jáne 6 jasar eki bala sýǵa batyp ketti
AQTÓBE. QazAqparat - Aqtóbede eki bala sýǵa batyp ketti, dep habarlaıdy QazAqparat tilshisi.
Aqtóbe oblystyq tótenshe jaǵdaıdar departamentiniń kezekshi bólimine habarlama 12 mamyr kúni saǵat 22:29-da tústi.
Habar bergen adam 5 jáne 6 jasar eki balanyń Aqtóbe qalasy, Bekqul baba aýylyndaǵy Jaman Qarǵaly ózenine batyp ketkenin aıtty.
Oqıǵa ornyna súńgýirler men jáne psıhologtar jiberildi.
Qutqarýshylar jetkenshe sol jerdegi adamdar 2015 jyly týǵan balanyń denesin jaǵaǵa alyp shyqqan.
«Oqıǵa ornyna jetken súńgýirler 2014 jyly týǵan balanyń denesin izdeýge kiristi. Saǵat 00:09-da jaǵadan 3 metr qashyqtyqtan, 7 metr tereńdikten 6 jastaǵy balanyń denesi tabyldy. Eki bala da baqylaýsyz qalǵan. Sýǵa sheshinip túsken. Janynda ata-anasy bolsa, mundaı qaıǵyly jaǵdaı tirkelmes edi»,- dep habarlady oblystyq TJD baspasóz qyzmeti.
Sýǵa batyp ketkender bir otbasynyń balalary emes.
Qazirgi kezde balalardyń ata-anasyz qalaı sýǵa barǵany anyqtalyp jatyr.
Aıta keteıik, jyl basynan beri oblysta 5 adam sýǵa batyp ketti.
