Aqtóbede 5 tonna baýyrsaq pen 7 tonna Naýryz kóje taratyldy
AQTÓBE. QazAqparat - Aqtóbede Naýryz merekesi toılanyp jatyr. Qaladaǵy 7 alańǵa 70 aǵash úı tigilip, kafe men meıramhanalar 5 tonna baýyrsaq pen 7 tonna Naýryz kóje taratty, dep habarlaıdy QazAqparat tilshisi.
Aqtóbede Naýryz merekesi 21-22 kúnderi uıymdastyryldy. Tuńǵysh Prezıdent atyndaǵy ortalyq saıabaqta «Shattan halqym, Áz Naýryz keldi!» atty merekelik kontsert ótti. Oblys ákimi Berdibek Saparbaev aqtóbelikterdi Naýryz merekesimen quttyqtady.
«Naýryz - Qazaqstanda turyp jatqan barlyq ulttyń merekesi. Kúnniń salqyndyǵyna qaramastan ár ult ókili ortalyq alańǵa shyǵyp, ortaq merekeni atap ótip jatyr. Aqtóbelikter jyldy jaqsy qarsy aldy. Halqymyzdyń turmysy, tirligi jyl ótken saıyn jaqsaryp keledi. Eń negizgisi, elimizde bereke, yntymaq bar», - dedi B.Saparbaev.
Naýryz merekesine Ulttyq taǵamtaný akademııasynyń prezıdenti Tóregeldi Sharmanov, akademık Jaqsylyq Dosqalıev pen Ulttyq neırohırýrgııa ortalyǵynyń prezıdenti Serik Aqsholaqov qatysty. Meımandar Aqtóbede tigilgen aǵash úıge kirip, dastarhannan dám tatty.
Mereke kúni Aqtóbe qalasyndaǵy 7 alańǵa 70 aǵash úı tigildi. Іri munaı kompanııalary men joǵary oqý oryndary, memlekettik mekemeler men kommýnaldyq kompanııalar qala turǵyndary úshin aǵash úıdi sándedi. «Ár kıiz úı ulttyq naqysh stılinde bezendirilip, kıiz úılerde qazaq halqynyń salttary men dástúrlerin, turmystyq erekshelikterin beıneleıtin buıymdar qoıylyp, dastarhan jaıyldy. Baýyrsaq pen Naýryz kóje taratyldy. Aǵash úılerdiń aldynda merekelik baǵdarlamalar, sporttyq oıyndar uıymdastyryldy», - dedi oblystyq mádenıet basqarmasynyń basshysy Marjan Qorǵanbaeva. Sonymen qatar, ár aýylda altybaqan qurylyp, balalar men jastardyń kóńil kóterýine jaǵdaı jasaldy.
