Aqtóbede 46 adam Qazaqstan men Reseıden qatar zeınetaqy alyp otyrǵan
AQTÓBE. QazAqparat – Qazaqstanda turyp, Reseıdiń zeınetaqysyn, keıin jasy kelgende Qazaqstannan da zeınetaqy alyp otyrǵan 46 adam anyqtaldy. Olardyń altaýy 18 mıllıon teńgeni keri qaıtardy, dep habarlaıdy QazAqparat tilshisi.
Qazaqstan zańnamasyna sáıkes «Qazaqstan Respýblıkasynyń zeınetaqymen qamsyzdardyrý týraly» Zańy basshylyqqa alynady. Sonymen birge memleketaralyq kelisimsharttar da bar. 2019 jyly RF zeınetaqy qory men «Azamattarǵa arnalǵan úkimet» KEAQ arasynda kelisim jasalyp, eki el aýmaǵynda zeınetaqy alyp otyrǵan adamdarǵa tekserý júrgizildi. Tekserýden soń oblysta 46 adamnyń qosarly zeınetaqy alǵany anyqtaldy.
«2020 jyldan bastap sotqa deıingi kelisim júrgizildi. ıAǵnı, eki elden zeınetaqy alyp otyrǵan adamdar óz erkimen aqshany qaıtarýy tıis. Qazirgi kezde 6 adam erikti túrde aqshany qaıtardy. Ol 18 mıllıon teńge bolady. Ózge 40 adamnyń máselesi sotqa júginý arqyly ǵana sheshilmek», - dedi QR Eńbek jáne halyqty áleýmettik qorǵaý mınıstrliginiń eńbek, áleýmettik qorǵaý jáne kóshi-qon komıtetiniń Aqtóbe oblysy boıynsha departamenti basshysynyń orynbasary Nurlan Majıtov.
Aıta keteıik, qosarly zeınetaqy alyp otyrǵan adamdar Reseıden alǵan zeınetaqyny keri qaıtarǵan soń tek bir elden zeınetaqy alý jumysy naqtylandy. Qazir alty aqtóbelik Qazaqstan zańnamasymen zeınetaqy alyp otyr.
