Aqtóbede 40 myń dollar para bermek bolǵan prokýrorǵa úkim shyqty

AQTÓBE. QazAqparat - Aqtóbede jumysyna salǵyrt qaraǵany úshin júrip jatqan tergeýdi toqtatpaq bolyp, para berýge oqtalǵan prokýrorǵa úkim shyqty. Esentur Qadyrov 7 jylǵa bas bostandyǵynan aıyryldy, dep habarlaıdy QazAqparat tilshisi.

Prokýror bolyp jumys istegen Esentur Qadyrovqa qatysty tergeý jumystary ótken jyly 14 qarashada bastaldy. Sottalýshy tergeý kezinde qamaýǵa alynyp, keıin ol bultartpaý sharasy - úıqamaqqa aýystyryldy. Buǵan deıin habarlaǵanymyzdaı, sotaldy tyńdaýy kezinde sottalýshy Esentur Qadyrov tergeýde ózin aıyptaıtyn aıǵaq tabylmaǵanyn aıtyp, isti toqtatýdy surady.

Sýdıa Erbol Ábdihalyqov sot otyrysyn jalǵastyryp, beınematerıaldardy qarady. Beınematerıalda 40 myń dollardy kólikten tárkileý, sanaý, saýsaq izin anyqtaý jumystary júrgizildi. Saraptama qorytyndysy kezinde aqshadan sottalýshy Esentur Qadyrovtyń saýsaq izi anyqtalmady. Búgin sýdıa Erbol Ábdihalyqov Qylmystyq kodekstiń «Para berý» baby boıynsha sottalýshy Esentur Qadyrovty 7 jylǵa bas bostandyǵynan aıyrý jazasyn taǵaıyndady.

Aıta keteıik, 37 jastaǵy Esentur Qadyrovtyń 2 balasy bar. Ol Qyrǵyzstanda dúnıe kelgen.