Aqtóbede 4 jigittiń arasynda bolǵan janjal kisi ólimimen aıaqtaldy
TANA. 26 qazan. QazAqparat /Aıdar Ospanalıev/ - Ótken aptada respýblıka boıynsha, 3 myń 657 qylmys tirkelip, onyń 1 myń 798-niń izi sýymaı ashyldy.
Bul málimettermen búgin jýrnalısterdi aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Nurdildá Oraz tanystyrdy.
Onyń derekterine qaraǵanda, ótken aptada sonymen qatar 635 buryn jasalǵan qylmys ashylyp, izdeýde júrgen 398 qylmysker ustalyp, 5 atys qarýy tárkilendi. Sondaı-aq esirtkimen baılanysty 72 qylmys anyqtalyp, olardyń 35-i esirtikini saýdalaýmen baılanysty bolǵan. Buǵan qosa 120 keli esirtki tárkilenip, onyń 1 keliden astamy geroın bolyp otyr.
«Aqtóbelik polıtseıler Hromtaý qalasynyń 23 jasar turǵynyn óltirýmen baılanysty qylmysty ashty. Osy qylmys jasalǵan ýaqytta aýrýhanaǵa atys qarýynan jaraqattanǵan 22-23 jastaǵy taǵy eki azamat túsken. Tekserý barysynda málim bolǵanyndaı, 20-23
jas aralyǵyndaǵy 4 azamattyń arasynda urys-keris týyndap, olardyń bireý ańshy myltyǵynan oq atqan. Qazirgi tańda kisi óltirý faktisine baılanysty qylmystyq is qozǵaldy»,-dedi departament bastyǵy.
