Aqtóbede 4 jasar bala tórtinshi qabattaǵy terezeden qulap ketti
AQTÓBE. QazAqparat – Aqtóbe qalasynda 4 jasar bala 4-qabattan qulap ketti. Bala jansaqtaý bólimine tústi, dep habarlaıdy QazAqparat tilshisi.
Aqtóbe qalasyndaǵy Munaıshylar kóshesinde ornalasqan kópqabatty úıde jazataıym oqıǵa boldy. 4 jasar bala 4-qabattan qulap, aýrýhanaǵa tústi.
«Balanyń anasy bes aılyq qyzyna qarap otyrǵan kezde qonaq bólmede júrgen uly terezege minip, qulap ketti. Qazirgi ýaqytta túrli dene jaraqatyn alǵan bala aýrýhananyń jansaqtaý bóliminde jatyr. Jyl basynan beri Aqtóbe oblysynda 3 bala terezeden qulady. Balalar kóbine qaraýsyz qalǵanda osyndaı jaǵdaı bolady»,- deıdi Aqtóbe oblysy PD bastyǵy Atyǵaı Arystanov.
Qazirgi kezde kóbinde tereze ashyq turady. Jazda jazataıym oqıǵany boldyrmaý úshin arnaıy temir tor nemese plastıkalyq terezege arnalǵan ilmek ornatý usynyldy.
