Aqtóbede 4 jasar bala aýyl mańyndaǵy saıǵa jınalǵan sýǵa batyp ketti

AQTÓBE. KAZINFORM - Qaıǵyly jaǵdaı Aqtóbe oblysy Baıǵanın aýdany Ebeıti aýylynda tirkeldi. Oınap júrgen bala qulap, sý jutyp qoıǵan.

Oqıǵa búgin saǵat 13:00 shamasynda tirkeldi. 

- Ebeıti aýylynyń janynda Ebeıti saıy bar. Oǵan qar sýy jınalyp jatyr. Búgin 2020 jyly týǵan 4 jasar bala sýǵa batyp, qaıtys boldy. Balalar sol mańda oınaǵan,- dep habarlady Aqtóbe oblysy ákiminiń baspasóz qyzmeti.

Onyń janynda bolǵan taǵy bir bala din aman. Baıǵanın aýdanynyń ákimi Aıbek Kópenovtiń aıtýynsha, saı aýyldan 150 metr jerde ornalasqan, tereńdigi shamamen 10-15 sm bolady. Ol jerde aýyldaǵy aǵaıyndalardyń balalary baryp oınaǵan. Ebeıti aýyly sý basý qaýpi bar aýylǵa jatpaıdy.