Aqtóbede 4-qabattan sekirgen áıeldi polıtseıler qutqaryp qaldy
AQTÓBE. QazAqparat - Aqtóbede ishimdik ishken áıel tórtinshi qabattan sekirip ketti. Polıtsııa ony qutqaryp qaldy, dep habarlaıdy QazAqparat tilshisi.
Aqtóbe qalasy Sh.Ýálıhanov kóshesindegi úıdiń 4-qabatynan áıel sekirmek boldy.
Habarlama túsken boıda oqıǵa ornyna ýchaskelik polıtsııa ınspektory Nurlybek Konılkoshev jedel jetti.
Sondaı-aq patrýldik polıtsııa qyzmetkerleri Salamat Eldesov jáne Nurbergen Ahetov bardy.
Polıtsııa jaǵdaıdy baǵdarlap, úıdiń terezesiniń astyna kórpe tartyp, áıeldi sekirmeýge úgitteı bastady. Biraq ol 4-qabattan sekirdi.
Polıtsııa men kórshiler jaıǵan kórpe áıeldi ólimnen aman alyp qaldy.
«25 jastaǵy áıel jeńil dene jaraqatyn alyp, Aqtóbe qalasynyń jedel medıtsınalyq járdem aýrýhanasyna jetkizildi. Ol medıtsınalyq kómek kórsetilgennen keıin úıine jiberildi. Áıelmen birge turatyn adam polıtsııa qyzmetkerlerine qutqarýdaǵy jedeldigi úshin alǵys aıtty. Áıeldi osy qadamǵa ıtermelegen sebep anyqtalyp jatyr»,- dedi oblystyq PD baspasóz qyzmetiniń jetekshisi Erbolat Sarqulov.
