Aqtóbede 4-5 qarasha kúnderi djıý-djıtsýdan ashyq halyqaralyq Arlan Grip Selection týrnıri ótedi

ASTANA. QazAqparat - Qarasha aıynyń 4-5 kúnderi Aqtóbede brazılııalyq jekpe-jek óneri djıý-djıtsýdan  jáne  sabmıshn faıtıngtan «Aqtobe Open - 2017» ashyq halyqaralyq Arlan Grip Selection týrnıri ótedi, dep habarlaıdy óńirlik ákimdikten.

Qarashanyń 4-i kúni saǵat 10.00-de  Aqtóbedegi Jekpe-jek saraıynda jetkinshekter men eresekter brazılııalyq djıý-djıtsýdan jarys jolyna shyqsa, al 5 qarashada osy ýaqytta sabmıshn faıtıngtan 18 jastan joǵary eresekter ózara myqtyny anyqtaıtyn bolady.

Sporttyq sharanyń basty maqsaty - Qazaqstanda djıý-djıtsýdy damytyp, elge tanytý, sport pen salaýatty ómir saltyn nasıhattaý, sportshylardyń sheberlikterin arttyrý, úzdikterdi  anyqtaý.

Atalmysh jarys ADCC jáne IBJJF erejelerine sáıkes túrli salmaq dárejeleri  boıynsha ótedi. Jeńimpazdar men júldegerler dıplom men medaldermen marapattalady.

Salmaqty ólsheý rásimi qatysýshy beldesýiniń aldynda ótkiziledi, al tirkelgen salmaǵy  sáıkes kelmegen jaǵdaıda - sportshy  jarysqa qatysý quqyǵynan aıyrylady.