Aqtóbede 35 myń adam tumaýǵa qarsy tegin ekpe alady
AQTÓBE. QazAqparat - Aqtóbede 1 qazan kúni tumaýǵa qarsy jappaı vaktsınatsııa bastalady, dep habarlaıdy QazAqparat tilshisi.
Densaýlyq saqtaý basqarmasy basshysynyń orynbasary Svetlana Esenamanovanyń habarlaýynsha, 2018-2019 jylǵy epıdemıologııalyq maýsymda tumaýmen 136 adam aýyrsa, onyń 38-i júkti áıel, úsheýi bir jasqa deıingi bala jáne 18 oqýshy. Al 3929 adam JRVI juqtyrǵan. Aldaǵy maýsymda A, V vırýsy kúsheıýi múmkin.
«Tumaýdyń aldyn alýdyń eń tıimdi jáne ǵylymı negizdelgen ádisi - vaktsınatsııa. Oblys halqynyń álsiz toptaryn epıdemııa aldyndaǵy kezeńde ımmýndaýdy júrgizýge jáne tumaýǵa qarsy vaktsına satyp alýǵa jergilikti bıýdjetten 30 mln teńge bólindi. Reseı óndirisindegi »Grıppol +« tumaýyna qarsy 34 944 doza vaktsına satyp alyndy. Oblysta maýsymdyq tumaýǵa qarsy jappaı egý 1 qazanda bastalyp, 15 qarashaǵa deıin jalǵasady», - dedi Svetlana Esenamanova.
Bıýdjet qarajaty esebinen medıtsınalyq qyzmetkerler, alty aıdan asqan ımmýndyq júıesi álsiz balalar, balalar úıi tárbıelenýshileri, qarttar men múgedekter úıiniń túrǵyndary, júktiliktiń ІІ nemese ІІІ trımestrindegi júkti áıelder, júrek-qantamyr júıesiniń sozylmaly aýrýlary bar adamdar, sondaı-aq epıdemıologııalyq kórsetkishteri bar adamdar vaktsına alady.
Halyqty tumaýǵa qarsy egý oblystyń barlyq qalalyq jáne aýdandyq emhanalarynda júrgiziletin bolady.
