Aqtóbede 32 zańsyz qoqys alańy anyqtaldy
ASTANA.KAZINFORM — Aqtóbe oblysynyń Mamandandyrylǵan tabıǵat qorǵaý prokýratýrasy júrgizgen tekserý barysynda Aqtóbe qalasynan 32 ruqsat etilmegen qoqys alańy anyqtaldy. Zań buzýshylyqtar boıynsha eki aýdan ákiminiń orynbasary ákimshilik jaýapkershilikke tartylyp, qoqys úıindilerin joıý jumystary bastaldy. Bul týraly quzyrly organnyń baspasóz qyzmeti málim etti.
Qazaqstan Ǵarysh sapary spýtnıktik túsirilimderi jáne ushqyshsyz ushý apparaty drondy paıdalaný arqyly Aqtóbe qalasy Astana aýdany aýmaǵynda 15, Almaty aýdanynda 17 zańsyz qoqys alańdary anyqtaldy.
— Atalǵan ququq buzýshylyqtar boıynsha Astana jáne Almaty aýdany ákimderiniń orynbasarlary ákimshilik jaýaptylyqqa tartyldy, qala ákimine zańdylyqtyń buzylýyn joıý týraly usyný engizildi, — delingen habarlamada.
Prokýratýranyń úılestirýimen búgingi kúni qoqys alańdaryn joıý boıynsha jumystar bastaldy.
Aldaǵy ýaqytta uqsas jumystar oblys aýdandarynda jalǵasyn tabady.
Oblys turǵyndary men qonaqtaryn ekologııalyq zańnamanyń talaptaryn saqtaýǵa jáne qorshaǵan ortaǵa uqypty qaraýǵa shaqyramyz.
Tek birlesken jumystar arqasynda qolaıly ekologııalyq ahýaldy qamtamasyz etip, tabıǵı resýrstardy keleshek urpaq úshin saqtap qala alamyz.
Aıta keteıik, Astanada 55 zańsyz qoqys úıindisi joıyldy.
