Aqtóbede 300 oryndyq provızorlyq statsıonar jabyldy
AQTÓBE. QazAqparat – Aqtóbe qalasyndaǵy medıtsınalyq ýnıversıtet jataqhanasynda ornalasqan provızorlyq ortalyq jabyldy, dep habarlaıdy QazAqparat tilshisi.
Aqtóbe qalasynda aýrýhanalardan ózge shıpajaıda, jataqhanada provızorlyq statsıonar jabdyqtalǵan bolatyn. Ókpe qabynýy derti ýshyqqanda bári naýqastardy qabyldady. Sońǵy aptada aýyryp em izdegender azaıyp, M.Ospanov atyndaǵy BQMMÝ jataqhanasynda provızorlyq ortalyq jabyldy.
«Jataqhanadaǵy provızorlyq ortalyq 300 kereýetke eseptelgen. Onda 800-ge jýyq adam emdeldi. Qazir jabylady, biraq jataqhana rezervte bolady. Ottek ballony, ony berý júıesi, dári-dármek qory, kadrlary saqtaýly. Qajet bolsa bir kúnde qaıta ashylady. Endi «Darý» jeke emhanasyndaǵy ortalyq jabylýy múmkin», - dedi oblystyq densaýlyq saqtaý basqarmasynyń basshysy Samat Danııarov.
Aıta keteıik, qalada 5 provızorlyq ortalyq jumys istep tur. Onda 1116 adam em alyp jatyr. Barlyǵynda 3 myńǵa jýyq kereýet bar.
