Aqtóbede 300 myń teńge para alǵan mektep dırektory áriptesteriniń aldynda sottaldy
AQTÓBE. QazAqparat - Aqtóbede 300 myń teńge para alǵan mektep dırektoryna sot úkim shyǵardy. №24 orta mektep gımnazııasynyń dırektory Aıdarhan Ázimbaev 3 jylǵa bas bostandyǵynan aıyryldy, al paraqorlyqqa deldal bolǵan esepshi Maıra Edilbaeva 3 mıllıon teńge aıyppul óteıdi, dep habarlaıdy QazAqparat tilshisi.
Aqtóbe qalasyndaǵy №24 mektep gımnazııasynyń dırektory Aıdarhan Ázimbaev 300 myń teńge para alyp, esepshi Maıra Edilbaeva paraqorlyqqa deldal boldy. Oqıǵa qańtar aıynda tirkelip, dırektor ashana meńgerýshisinen aldymen 150 myń teńge, keıin taǵy 150 myń teńge talap etken. Óz talabyn ol mekteptiń bas esepshisi arqyly jetkizip, oryndatty. Іske Sybaılas jemqorlyqqa qarsy is-qımyl Ulttyq bıýrosynyń oblystyq departamenti aralasyp, mektep dırektory ustaldy .
Aıyptalýshy Aıdarhan Ázimbaev sońǵy sózinde kinásin tolyq moıyndap, keshirim surady. Úsh balanyń ákesi ári zeınettegi ata-anasynyń jalǵyz asyraýshysy sottan aýyr jaza taǵaıyndamaýdy, bos bostandyǵynan aıyrmaýdy ótindi.
Esepshi Maıra Edilbaeva da óz isi úshin ókinip, uzaq jyldar boıy adal eńbek etken jetkizdi. Endi bul eki qyzmetshi de memlekettik qyzmetke ómir boıy ornalasa almaıdy.
Aıta keteıik, sot otyrysy kezinde aıyptalýshylardy qoldap №2 jáne №24 mektep ujymy, ata-analar men oqýshylar qoldaý hat joldady.
