Aqtóbede 300 myń gektar jer shegirtkege qarsy óńdeldi
Aqtóbe oblysy boıynsha bıyl 319 990 gektardy ýlaý jumystary josparlandy. Onyń ishinde Shalqar, Yrǵyz jáne Áıteke bı aýdandary basty nazarda boldy. Sebebi shegirtkeniń kóp bóligi osy úsh aýdanda dep boljandy.
«Italııa shegirkesine qarsy hımııalyq óńdeý jumystaryn júrgizýge merdiger mekemeler anyqtalyp, óz jumystaryn júrgizip jatyr. Oblys boıynsha 319 990 gektar jerdiń 300 000 gektardan astamy óńdeldi. Búgingi kúni Áıteke bı aýdany ıtalıandyq shegirtkege jáne Yrǵyz aýdany azııalyq shegirtkege qarsy hımııalyq óndeý jumystary jalǵasty. Áleýmettik jelige shyqqan aqparatqa qatysty aıtar bolsam, bul Qarabutaq eldimekenine qarasty Qabaq jaılaýy. Onda hımııalyq óndeý jumystary júrgizildi. Qazir tańda egin alqaptaryna zııankesterdiń kirip ketpeýi úshin bar shara qabyldanyp jatyr», - dedi QR AShM Agroónerkásiptik keshendegi memlekettik ınspektsııa komıtetiniń oblystyq aýmaqtyq ınspektsııa basshysy Dastan Saǵyrov.
Aıta keteıik, búgingi kúni shegirtkelerdiń shaǵylsý jáne jumyrtqa salý kezeni júrip jatyr. Jumyrtqa salǵanan keıin 15- 20 kún aralyǵynda shegirtke óledi. Aýa raıyna baılanysty hımııalyq óńdeý jumystary shilde aıynyń aıaǵyna deıin júrgiziledi.
Aıta keteıik, bıyl shegirtkege qarsy kúreske 2,5 mlrd teńge jumsalady. Bul týraly QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń tóraǵasy Almabek Mars ortalyq kommýnıkatsııalar qyzmetinde ótken brıfıngide aıtty. «Respbýlıka aýmaǵynda erekshe qaýipti organızmniń 12 túri, zııandy organızmniń 5 túri, karantındik obektilerdiń 14 túri taralǵan. Shegirtkelermen kúresýge erekshe kóńil bólinedi», - dedi ol.
