Aqtóbede 30 jastaǵy jigit ákesin óltirdi degen kúdikpen ustaldy
AQTÓBE. QazAqparat - Aqtóbeniń Alǵa aýdanynda balasy ákesin óltirip tastady, dep habarlaıdy QazAqparat tilshisi.
«27 shilde kúni Alǵa aýdanynyń Tikqaıyń aýylyndaǵy úıdiń aýlasynan adam denesi tabyldy. Sot-medıtsınalyq saraptama kezinde adamnyń mehanıkalyq asfeksııa, ıaǵnı, tunshyqtyrý kezinde ólgeni anyqtaldy. Ýchaskelik ınspektor qaıtys bolǵan aýyl turǵynynyń 30 jastaǵy balasyn ustady», - dep habarlady oblystyq PD baspasóz jetekshisi Erbolat Sarqulov. Kúdikti ýaqytsha tergeý ızolıatoryna qamalyp, Qylmystyq kodekstiń «Adam óltirý» babymen is qozǵaldy.
Aıta keteıik, 27 shilde kúni Aqtóbe qalasynda taǵy bir qylmystyq is tirkeldi. 21 jastaǵy qala turǵyny oq-dári jaraqatymen Temirjol aýrýhanasyna tústip, kóz jumdy.
«Oq júrek tusyna tıgen. Kúdikti ustaldy, ol kinásin moıyndady. Polıtsııa 16 kalıbrli ańshy qarýyn tárkiledi. »Adam óltirý« babymen qylmystyq is qozǵaldy», - dep habarlady Erbolat Sarqulov.
