Aqtóbede 3 jáne 5 jastaǵy balalar sýǵa batyp ketti

AQTÓBE. KAZINFORM – Qaılyǵy oqıǵa Aqtóbe qalasy ıAsnoe-2 turǵyn alaby aýmaǵynda boldy. Eki balanyń denesin qutqarýshylar 3 metr tereńdikten alyp shyqty. 

Aqtóbe oblystyq TJD baspasóz qyzmetiniń habarlaýynsha, qaıǵyly oqıǵa 10 tamyz kúni Almaty aýdanyna qarasty ıAsnoe-2 turǵyn alabynda boldy. 2020 jáne 2022 jyly týǵan eki balany izdestirýge oblystyq tótenshe jaǵdaılar departamentiniń kúshteri men quraldary jumyldyryldy.

– Oblystyq TJD-niń jedel-qutqarý jasaǵy balalardyń denesin shomylýǵa tyıym salynǵan aımaqtan, jaǵadan shamamen 2 metr qashyqtyqta jáne 3 metr tereńdikten tapty. Tótenshe jaǵdaılar departamenti ata-analar men eresekterdi sý aıdyndarynyń janynda balalardyń qaýipsizdigine erekshe nazar aýdarýǵa shaqyrady. Balany az ýaqytqa bolsa da qaraýsyz qaldyrý orny tolmas qaıǵyǵa dýshar etýi múmkin. Qutqarýshylar kezekshilik etetin, arnaıy jabdyqtalǵan oryndarda ǵana shomylǵan durys, - dep habarlady oblystyq TJD baspasóz qyzmeti. 

Aıta keteıik, shilde aıynda Aqtóbe qalasyndaǵy Elek ózenine bıyl 8-synypqa kóshken oqýshy sýǵa batyp ketti. Іzdestirý jumystaryna oblystyq TJD qyzmetkerleri, onyń ishinde dron jáne jedel-qutqarý jasaǵynyń qutqarýshylary jumyldyryldy.