Aqtóbede 3 myńnan astam reseılik JSN rásimdedi
Aqtóbe oblysynda Jaısań jáne Álimbet shekara beketteri jumys istep tur. Qazirgi kezde qalaǵa kelgen reseılikterge memlekettik organ ókilderi men polıtsııa qyzmetkerleri quqyqtary men kóshi-qon talaptaryn túsindirip jatyr.
«e-Qonaq» qosymshasy arqyly 21-qyrkúıekten bastap 2137 reseılik, habarlma boıynsha 814 azamat tirkeldi. Biz reseıliktermen qatar óńir turǵyndaryna túsindirý jumystaryn júrgizip jatyrmyz. Shetelden kelgen adamdar úsh kún ishinde tirkelýi kerek. Páterin jaldap, úıine qonaq kútken adam kóshi-qon qyzmetine habarlama berýi tıis. Eger habarlama bolmasa, ákimshilik jaýapqa tartylady», - dedi oblystyq Polıtsııa departamenti kóshi-qon qyzmeti basqarmasynyń bastyǵy Elmıra Boltaeva.
Aıta keteıik, Halyqtyń keńsede reseılikter qazirgi kezde JSN alyp jatyr. 22-qyrkúıekte 300-den astam, keshe 1300, al búgin 1500-ge jýyq azamat qujat rásimdedi.
«Qazirgi kezde qosymsha qyzmet kórsetý ornyn ashý josparlanyp jatyr. Ol týraly qosymsha habarlama beremiz. Reseılikter JSN-di banktik qyzmet úshin qajet dep otyr. JSN alýǵa esh kedergi joq. Qyzmet kórsetý orny 20:00-ge deıin jumys isteıdi. Búginde bir tereze tek solarǵa qyzmet kórsetýge baǵyttaldy», - dedi «Azamattarǵa arnalǵan úkimet» KEAQ AF dırektory Darımbet Baıymbetov.
Eske salsaq, Qazaqstandaǵy jeke jáne zańdy tulǵalar shetelden keletin qonaqtaryn qabyldaıtyny týraly ishki ister organdaryna habarlaýy tıis. Zań buzǵandarǵa aıyppul qarastyrylǵan. Bul týraly Astana qalasynyń polıtsııa departamenti kóshi-qon qyzmeti basqarmasynyń bastyǵy Arman Baımuhanbet aıtty.
