Aqtóbede 3 myńǵa jýyq agressor ákimshilik jaýapqa tartyldy

AQTÓBE. KAZINFORM — Bıyl otbasyndaǵy daý-janjaldan soń 187 qylmystyq is tirkeldi. Kóbi mas kúıinde emes, boıdy qyzǵanysh bılegende qylmys jasaǵan.

Aqtóbede otbasyndaǵy zorlyq-zombylyq týraly habarlap, kómek suraǵandardan 4 myńǵa jýyq qońyraý túsken. Nátıjesinde polıtsııa 3500 qorǵaý nusqamasyn shyǵardy. 

— Sot myń adamǵa erekshe talap qoıdy. Dál sol erekshe talapty buzǵan 438 adam jaýapqa tartyldy. Sonymen birge QR Ákimshilik quqyqbuzýshylyq týraly kodeksiniń 73-baby, ıaǵnı, otbasy-turmystyq qatynastar aıasyndaǵy quqyqqa qarsy áreketter boıynsha 3 myńǵa jýyq agressor jaýapqa tartyldy. Sondaı-aq jyl basynan beri barlyǵy 187 qylmystyq is tirkeldi. Qylmystyq kodekstiń «Densaýlyqqa qasaqana jeńil zııan keltirý» baby boıynsha 31, «Uryp-soǵý» baby boıynsha 156 is anyqtaldy. Qylmys otbasylyq janjal men qyzǵanysh kezinde jasalǵan. Kóbi ishimdik ishpegen kúıi zań buzdy. Onyń úlesi — 68,1%. Er adamdar, sonyń ishinde buryn sottalǵan arasynda jıi tirkeledi, — dedi Aqtóbe oblystyq PD jergilikti polıtsııa qyzmeti bólimi otbasylyq turmystyq zorlyq-zombylyqqa qarsy kúres bóliminiń ınspektory Aıgerim Kórpesheva.

Eske salsaq, zorlyq-zombylyqqa shaǵymdanǵan 85 astanalyqtyń 64-i aryzyn qaıtyp alǵan. 

Aqtóbede qala ákimine áıeldi uryp-soqty degen aıyp taǵyldy.