Aqtóbede 3 bala men olardy qutqarmaq bolǵan ákesi sýǵa batyp ketti

AQTÓBE. KAZINFORM — Aqtóbe oblysy Áıteke bı aýdanynyń ortalyǵynda úsh bala men 39 jastaǵy er adam sýǵa batyp ketti.

Oqıǵa búgin Áıteke bı aýdany T.Júrgenov aýyly Yrǵyz ózeninde tirkeldi.

Aqtóbe oblystyq TJD baspasóz qyzmetiniń habarlaýynsha, 1985 jyly týǵan er adam 2011, 2013, 2017 jyly týǵan úsh balany qutqarmaq bolǵan.

Onyń ekeýi — óz balasy, bireýi týysy. 

— Sýǵa shomylý kezinde balalardyń qasynda ata-anasy bolǵan. Qutqarýshylar, polıtsııa qyzmetkerleri jáne jergilikti turǵyndar 4 adamnyń denesin sýdan shyǵardy. Aqtóbe oblysynyń turǵyndary men qonaqtaryn sýǵa shomylý kezinde qaýipsizdik erejelerin qatań saqtaýǵa shaqyramyz, — dep habarlady oblystyq TJD baspasóz qyzmeti. 

Eske salsaq, maýsymda Aqtóbe qalasynda eki stýdent sýǵa batyp ketken edi. 

Ekeýi de M.Ospanov atyndaǵy Batys Qazaqstan medıtsına ýnıversıtetiniń stýdentteri.