Aqtóbede 3,8 mlrd teńgege Muz saraıy salyndy

Batys-2 aýdanynda boı kótergen muz saraıynyń quny 3,8 mıllıard teńge. Investorlar - slovakııalyq «H+H TECHNIKA» kompanııasynyń úlesi - 70 paıyz.

«Dúnıejúzi boıynsha otyzdan astam kásibı muz aıdynyn saldyq. Bul - Qazaqstandaǵy alǵashqy jobamyz. Arena dúnıejúzilik tehnologııalarǵa tolyqtaı saı keledi. Tipti álem chempıonatyn ótkizýge de bolady. Muz saraılaryna qajetti jabdyqty 1993 jyldan bastap ózimiz shyǵaramyz ári jyl saıyn tehnologııa jańǵyryp keledi. Munda muz temperatýrasyn baqylap otyrýǵa, sektorlardaǵy túrli temperatýrany qalypty rejimde ustap turýǵa bolady. Sonymen qatar, «Aqtóbe» hokkeı komandasynyń qurylýyna kómektesip, budan buryn Qazaqstannyń úsh dúrkin chempıony bolǵan «Ertis» komandasyn jattyqtyrǵan ıÝlıýs Penzesti Slovakııadan bas jattyqtyrýshy retinde shaqyrdyq»,- dedi «H+H TECHNIKA» quryltaıshylarynyń biri ıAn Hovan.
 

Muz saraıynyń ashylýyna oraı munda hokkeıden QR jastar chempıonaty aıasynda «Aqtóbe» men Petropavldyń «Qulageri» match ótkizdi.
 

«Bul - tarıhı kún. 28 jyldan keıin aqtóbelikter Qazaqstannyń jastar hokkeı lıgasyna qatysyp otyr. Bul - Elbasy tapsyrmasyn oryndaý, buqaralyq sportty damytýdyń josparly jumystary. Aqtóbelikterdiń qysqy sport túrlerimen aınalysýy úshin ınfraqurylym damyp keledi. Buǵan deıin «Olımp»  hokkeı modýli salynǵan bolatyn. Munda qazir 900-ge jýyq bala jattyǵady. Jaqynda el Prezıdenti Qazaqstan halqyna Joldaýyn jarııalap, onda buqaralyq sportty odan ári damytý jáne zamanaýı dene shynyqtyrý-saýyqtyrý keshenderin salý mindetin qoıdy. Bul baǵyttaǵy jumystar jalǵasatyn bolady», - dep atap ótti oblys ákimi Berdibek Saparbaev.

Oblys ákiminiń baspasóz qyzmetiniń habarlaýynsha, munda kez kelgen adam jattyǵa alady. Muz saraıynda hokkeımen qatar, mánerlep syrǵanaýdan, basketbol, shaǵyn fýtbol, boks, úlken tennıs jáne gımnastıkadan kásibı jarystar ótkizýge bolady. Arena 2500 orynǵa eseptelgen.
  

Al «Aqtóbe» men «Qulager» komandalarynyń kezdesýi 7:1 esebimen aıaqtalyp, aqtóbelikterdiń paıdasyna sheshildi.