Aqtóbede 28 jyldan keıin hokkeı klýby qaıta quryldy
AQTÓBE. QazAqparat - Arada 28 jyl ótkende «Aqtóbe» hokkeı klýby qaıta quryldy, dep habarlaıdy QazAqparat tilshisi.
Qazaqstan hokkeı federatsııasy Aqtóbede shaıbaly hokkeıden jastar lıgasyn qurý boıynsha sheshim qabyldady. «Aqtóbe» HK 7-8 qazan aralyǵynda respýblıkalyq jastar hokkeı lıgasynyń maýsymdyq ashylýynda alǵashqy oıynyn ótkizedi. Alǵashqy oıynda «Aqtóbe» hokkeı klýby petropavldyq «Qulager» komandasyna qarsy matchta oınaıdy.
«Endi bizde hokkeı klýby bar. Bul sport túriniń qaıta jandanýy aımaqta qysqy sport túrlerin damytýǵa jáne jastardyń qyzyǵýshylyǵyn odan ári arttyrýǵa septigin tıgizedi. Sondaı-aq, klýbtyń bas bapkeri - slovakııalyq ıÝlıýs Penzes. Buǵan deıin «Ertis» komandasyn jattyqtyrǵan. Qazirgi ýaqytta, Aqtóbe óńirine shaqyrtylyp, óz jumysyn bastap ketti», - dedi Aqtóbe oblysynyń dene shynyqtyrý jáne sport basqarmasynyń basshysy Meırambek Mahambetov.
Aıta keteıik, 7-8 qazan aralyǵynda respýblıkalyq jastar hokkeı lıgasynyń maýsymdyq ashylýy Aqtóbede jańadan boı kóterip jatqan Muz saraıynda ótedi.
