Aqtóbede 26 adam karantınde jatyr
AQTÓBE. QazAqparat – Aqtóbede shetelden kelgender karantınge jatqyzyldy. Eshkimnen juqpaly indet anyqtalmady, dep habarlaıdy QazAqparat tilshisi.
«Búginde 26 adam statsıonarlyq karantınde jatyr. Barlyǵynyń da saraptama nátıjeleri teris. 1 «b» sanaty boıynsha 30 adam úı karantınine alyndy. 2 sanattaǵy elderden kelgen 61 adamnyń densaýlyǵyn dárigerler telefon arqyly baqylap otyr. Aqtóbe qalasy jáne oblys aýmaǵyndaǵy jaǵdaı táýlik boıy taýarlar men kórsetiletin qyzmetterdiń sapasy men qaýipsizdigin baqylaý departamentiniń turaqty baqylaýyna alyndy. Epıdemııaǵa qarsy qajetti is-sharalar, onyń ishinde oqshaýlaý, emdeý jáne dezınfektsııalyq ýaqytyly atqarylady», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Aıta keteıik, vırýsty anyqtaýǵa arnalǵan arnaıy test jetkilikti. Karantınde jatqandardan alynǵan qosymsha synama Almatydaǵy zerthanaǵa jiberilip jatyr.
