Aqtóbede 25 mlrd teńgege gúl ósiretin jylyjaı salyndy
AQTÓBE. QazAqparat -Aqtóbeniń Marjanbulaq aýylynda gúl ósiretin jylyjaı salynady. Bul týraly Óńirlik kommýnıkatsııalar qyzmetinde ótken baspasóz máslıhatynda belgili boldy, dep habarlaıdy QazAqparat tilshisi.
Aqtóbe oblysynyń Marjanbulaq aýylynda gúl ósiretin iri jylyjaıy salynady. Jobanyń qurylysyna 25 mıllıard teńge jumsalmaq. Qurylys jumystaryn bir aıdan keıin bastaý josparlanýda.
«Gúl ósiretin jylyjaı úshin Marjanbulaq aýylynan 15 ga jer bólindi. «Orandj-Holdıng» kompanııasy óńirde salynatyn alǵashqy jylyjaı qurylysyn aýylda júrgizip, ishki naryqty qamtýdy josparlap otyr. Keıin jaqyn shetelge sata alady. Jylyjaıda qyzǵaldaq pen raýshan gúli ósiriledi», - dedi Alǵa aýdanynyń ákimi Naǵymjan Aldııarov .
Aıta keteıik, Alǵa aýdanynda bıyl úsh iri ınvestıtsııalyq joba iske asyrylady. Úsheýi de aýyl sharýashylyǵyn damytýǵa baǵyttalǵan.
