Aqtóbede 25 qoı-eshki poıyz astyna túsip qaldy

AQTÓBE. QazAqparat - Aqtóbeniń Sarysaı-Hromtaý stansalary aralyǵynda poıyz shuǵyl toqtatyldy. Jol boıyna qoı-eshki shyǵyp ketken, dep habarlaıdy QazAqparat tilshisi.

Qandyaǵash stansasy jelilik polıtsııa bóliminiń habarlaýynsha, oqıǵa Sarysaı-Hromtaý aralyǵynda tirkeldi. Onda jolǵa 25 bas qoı-eshki shyǵyp ketip, júk vagondaryn tirkegen teplovoz shuǵyl toqtatyldy. Aqparatqa súıensek, poıyz shuǵyl toqtaǵan kezde 5 qoı óldi.
«Ákimshilik quqyqbuzýshylyq kodekstiń 559-baby 1-bóligine sáıkes Hromtaý aýdany, Sarysaı aýylynyń turǵynyna aıyppul salyndy. 64 jastaǵy turǵyn malyn qaraýsyz qaldyrǵany úshin 9 myń teńge kóleminde aıyppul tóleıdi»,- dep habarlady Qandyaǵash stansasy jelilik poltsııa bólimi.