Aqtóbede 249 keli sapasyz oıynshyqtar joıyldy
AQTÓBE. QazAqparat - Aqtóbege jetkiziletin oıynshyqtardyń 80 paıyzy Qytaıdan keledi. Búl týraly búgin oblystyq qoǵamdyq densaýlyq saqtaý basqarmasynyń baspasóz máslıhatynda aıtyldy, dep habarlaıdy QazAqparat tilshisi.
Ótken jyly mamandar barlyǵy 180 keli taýardy jetkizýshige keri qaıtaryp, 249 keli taýardy joıdy.
«Porororo» oıynshyǵynyń ıisi talapqa saı kelmedi. Taýar birden jetkizýshige qaıtaryldy. Sebebi, ıisi ótkir, allergııa týdyrady. Kishkentaı balalar oıynshyqty aýzyna salady. Bul ish qurylysyna qaýipti. Adamdar kóbine jaramsyz zattar týraly aqparatty áleýmettik jelige salady. Al bizge shaǵym túsirýdi umytady. Shaǵym bolmasa tekserýge shyǵa almaımyz. Qaǵaz júzinde emes, bizben elektrondy túrde baılanysýǵa bolady»,- dedi Aqtóbe oblystyq qoǵamdyq densaýlyq saqtaý basqarmasynyń basshysy Nursulý Berkimbaeva.
Atap ótilgendeı, sapasyz oıynshyqtardyń satylymǵa shyǵarylǵanyn keıde sanıtar mamandar da bilmeı qalady. Sebebi, oıynshyqtar shaǵyn kólemde qol júgimen jetkiziledi. Al qol júgi ádette tekserilmeıdi.
