Aqtóbede 23 jastaǵy jigit óz súıiktisin óltirdi dep aıyptalýda
AQTÓBE. QazAqparat – Búgin qylmystyq is boıynsha mamandandyrylǵan aýdanaralyq sotynda 22 jastaǵy aqtóbelik qyzdyń ólimi boıynsha aldyn ala sot tyńdalymy ótti, dep habarlaıdy QazAqparat tilshisi.
Іs materıaldaryna sáıkes, Ásem Elbrýsovanyń ólimine onyń súıiktisi Baqyt Orynbasarov kináli degen aıyp taǵylýda. Olar 2018 jyly tanysqan, al 2019 jyldyń tamyzynda jigit súıiktisine turmysqa shyǵý týraly usynys jasaǵan.
«2019 jyldyń 10 tamyzynda Baqyt Orynbasarov súıiktisi Ásem Elbrýsovany jaldamaly páterge shaqyrǵan. Urys kezinde ol qyzdy qolymen tunshyqtyrǵan. Sot medıtsınalyq saraptamasy kórsetkendeı, boıjetken mehanıkalyq asfıksııadan kóz jumdy», - dedi memlekettik aıyptaýshy Nurjan Áblákimov.
Sottalýshy kinásin moıyndady jáne 2019 jyldyń 11 tamyzynda qamaýǵa alyndy.
Qaza tabýshynyń týystarynyń aıtýynsha, Ásem bıyl joǵary oqý ornyn «psıhologııa» mamandyǵy boıynsha bitirgen, turmysqa shyǵýdy josparlap júrgen.
Avtory: Samal Endibaeva
