Aqtóbede 22 jastaǵy jigit mektep oqýshysyn zorlady degen kúdikke ilikti
AQTÓBE. KAZINFORM - Qazir polıtsııa oqıǵanyń mán-jaıyn anyqtap jatyr. Kúdikti qamaýǵa alyndy.
Aqtóbelik turǵyn Aqmaral Ájǵalıeva óziniń sińlisiniń zorlyq kórgenin, al ony zábirlegen er adamnyń bostandyqta júrgenin aıtyp, shaǵymyn jetkizdi. Oqıǵa bıyl mamyr aıynda boldy. Sińlisi qurbysynyń úıine baryp, keıin úıine ketpek bolǵan. Sol shaqta qurbysynyń aǵasy ony jibermeı, zorlyq kórsetken. Osy oqıǵadan soń mektep oqýshysyń minezi ózgerip, as batpaı, arada bir aıǵa jýyq ýaqyt ótkende aǵasy men ata-anasyna aıtady.
- Sińlim buryn ashyq-jarqyn edi. Qazir qınalyp, qap-qara túnek bolyp júr. Eshkimmen sóıleseıdi, durys tamaq ta ishpeıdi. Ol bizge aıtýǵa qoryqqan. Sebebi ol jigit qorqytqan, óltiretinin aıtqan. Talabymyz - ádildik ornap, jazasyn alsyn,- dedi Aqmaral Ájǵalıeva.
Qazir osy derek boıynsha tergeý jumysy júrip jatyr.
- Kúdikti ustalyp, ýaqytsha tergeý ızolıatoryna qamaldy. Qazir mán-jaıdy anyqtaý úshin jan-jaqty tergeý jumysy júrip jatyr,- dep habarlady Aqtóbe oblystyq PD baspasóz qyzmeti.
Buǵan deıin habarlaǵanymyzdaı, Aqtóbede kámeletke tolmaǵan qyzǵa seksýaldyq zorlyq kórsetken áskerı qyzmetshi sottaldy.
