Aqtóbede 22 keli esirtkimen qyrǵyzstandyq ustaldy
Aqtóbe oblystyq polıtsııa departamenti Esirtki qylmysyna qarsy is-qımyl basqarmasynyń qyzmetkerleri «Mıgrant» jedel-izdestirý sharasyn ótkizdi. «Samara-Shymkent» tas jolynyń 972 shaqyrymynda kólik quralyn sanktsııasyz tintip, Bishkek qalasynda turatyn Qyrǵyzstannyń 44 jastaǵy azamaty aıdap kele jatqan júk kóliginen jalpy salmaǵy 22 keliden asatyn «marıhýana» esirtki zaty tabylyp, tárkilendi.
«Aqtóbe oblysynyń polıtsııa departamenti Qylmystyq kodekstiń 296-babynyń 4-bóliginiń sanktsııasyna sáıkes (Asa iri mólsherde esirtki zattaryn zańsyz saqtaý) tergeýdi bastady. Esirtki quraldaryn, psıhotroptyq zattardy, sol tektesterdi ótkizý maqsatynsyz zańsyz daıyndaý, óńdeý, satyp alý, saqtaý, tasymaldaýǵa úsh jyldan jeti jylǵa deıingi merzimge bas bostandyǵynan aıyrý jazasy qarastyrylǵanyn eske salady», - dedi oblystyq PD baspasóz qyzmetiniń jetekshisi Erbolat Sarqulov.
