Aqtóbede 21 jastaǵy jigittiń eki IRhone telefonyn tartyp alǵan
Qalalyq polıtsııa bólimine 21 jastaǵy jergilikti turǵyn habarlasty. Ol 4 qazanda saǵat 15:30-da qalanyń ortalyq kóshesiniń birinde belgisiz bireýdiń kúsh qoldanyp, Iphone 12 Pro jáne Iphone 12 Mini markaly eki jańa uıaly telefonyn tartyp alǵan aıtty. Shyǵyn shamamen 1 mln teńge.
«Polıtsııa kúdiktini tapty. Ol 22 jastaǵy jergilikti turǵyn bolyp shyqty. Kúdikti smartfondardy belgisiz bireýge satqan. Qazirgi ýaqytta Qylmystyq kodekstiń «Tonaý» baby boıynsha sotqa deıingi is júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Osy baptyń sanktsııasy boıynsha múlki tárkilenip nemese 1 myń aılyq eseptik kórsetkishke deıingi mólsherde aıyppul salynýy múmkin. Tipti túzeý jumystaryna nemese bir myń saǵatqa deıingi merzimge qoǵamdyq jumystarǵa tartý, sondaı-aq tórt jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy qarastyrylǵan.