Aqtóbede 200 myń túp aǵash egildi
AQTÓBE. QazAqparat - Aqtóbelikter búgin jappaı senbilikke shyǵyp, saıabaqtarǵa aǵash ekti. Shymkentten estafeta qabyldaǵan Aqtóbe qalasy 200 myń túp aǵash otyrǵyzdy, dep habarlaıdy QazAqparat tilshisi.
Aqtóbelikter búgin «Aqtóbe! Birge-jarqyn!» atty ekologııalyq festıvalin ótkizdi. Festıvaldi BUU Damý baǵdarlamasy, Investıtsııa jáne damý mınıstriligi jáne Qoǵamdyq mańyzy bar bastamalardy damytý qory uıymdastyrdy. Aqtóbe qalasynyń ortalyq saıabaqtary men shaǵyn skverlerde, aýyldarda aǵash egý bastaldy. Shymkentten eftafeta qabyldaǵan Aqtóbe 200 túp aǵash otyrǵyzdy. Sharaǵa BUU Qazaqstandaǵy turaqty tóraǵasynyń keńesshisi Irına Gorıýnova, Investıtsııa jáne damý mınıstriliginiń basqarma basshysy Jaqsylyq Toqaev, Qoǵamdyq mańyzy bar bastamalardy damytý qory tóraǵasynyń orynbasary Tatıana Nemtsıva qatysty.
«Aqtóbe qalasy men aýyldyq okrýgterde jappaı senbilik ótip, aǵash otyrǵyzyldy. Sharaǵa qala ákimi Іlııas Ispanov ta qatysty. Ardagerler, memlekettik qyzmetkerler, qala turǵyndary, jastar saıabaqtarǵa 200 myń túp aǵash otyrǵyzdy. Shara aıasynda Óner ortalyǵynda pedagogtardyń qatysýymen ekologııa taqyrybyndaǵy suraqtar talqylandy. Al oqýshylar óziniń ekologııalyq taza týyndylaryn usyndy. Biz estafetany Almaty qalasyna beremiz», - dep habarlady qala ákiminiń baspasóz qyzmeti.
Aıta keteıik, «Atameken» stýdenttik qurylys jasaǵy, «Jasyl el» jasaǵy da sharaǵa qatysty. «Jasyl el» jasaǵy Ǵashyqtar alleıasyna 100 túp tal otyrǵyzdy.
