Aqtóbede 200-ge jýyq adam ustaldy

AQTÓBE. QazAqparat - Aqtóbe oblysynda da mektep oqýshylary men joǵary oqý oryndary stýdentteriniń demalys merzimi uzartyldy. Al balabaqsha jumysyn komıssııa sheshedi, dep habarlaıdy QazAqparat tilshisi.

«Eldegi tótenshe jaǵdaıǵa baılanysty jáne balalardyń ómir qaýipsizdigin qamtamasyz etý úshin Bilim jáne ǵylym mınıstrligi jalpy bilim beretin mektepterdegi oqýshylar demalysyn 17-qańtarǵa deıin uzartty. Sol sııaqty arnaýly jáne joǵary oqý oryndary stýdentteriniń demalys merzimi 24-qańtarǵa deıin uzartyldy. Eldegi tótenshe jaǵdaı kezinde Aqtóbe oblysyndaǵy bilim nysandarynda eshteńe búlingen joq. Jylý, sý, jaryq tolyq berilip tur. Al balabaqsha jumysy dúısendi kúni belgili bolady. Ol kezde komıssııa óńirdegi jaǵdaıǵa baılanysty sheshim qabyldaıdy. Ana-analardan balalardy janynda ustap, úıden shyqpaýyn suraımyz»,- dedi oblystyq bilim basqarmasynyń basshysy Joldas Batyrhan.

Aıta keteıik, 7 qańtar kúni tańda Aqtóbede arnaıy operatsııa júrgizildi. Aqtóbe oblysy ákimdiginiń ǵımaraty polıtsııa men jergilikti atqarýshy bıliktiń qaraýyna alyndy. Oblystyq polıtsııa departamenti baspasóz qyzmetiniń habarlaýynsha, 200-ge jýyq adam ustalyp, qylmystyq, ákimshilik jaýapqa tartylyp jatyr.