Aqtóbede 200-ge jýyq adam ınfektsııalyq statsıonarlarda em qabyldap jatyr

AQTÓBE. QazAqparat - Aqtóbe oblysynda 194 adam ınfektsııalyq statsıonarlarda em qabyldap jatyr. Bir aıaǵy aýyr kelinshek ókpeni jasandy jeldetý apparatyna qosylǵan, dep habarlaıdy QazAqparat tilshisi.
None
None

Aqtóbe oblysy 29 qazannan beri «sary» aımaqta. Epıdemıologtar jaǵdaıdy baqylaýda ustap, bes táýliktiń ótkenin kútip otyr. Eger epıdahýal turaqtalmasa, shekteý sharasy qaıta kúsheıtiledi.
«Aqtóbe oblysy boıynsha 194 adam ınfektsııalyq statsıonarlarda em qabyldap jatyr. Onyń 29-y jansaqtaý bóliminde. Qazirgi kezde Covid-19 juqtyrǵan 25 júkti áıeldiń 18-i aýrýhanada jatyr. Onyń bireýi ókpeni jasandy jeldetý apparatyna qosylǵan. Al balalar týraly aıtar bolsam, ekeýi aýrýhanada. Jaǵdaıy qalypty. Barlyǵy 54 bala vırýs juqtyryp, baqylaýǵa alynǵan»,- dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaevtyń aıtýynsha, sońǵy kezde kóbine 60-65 jas aralyǵyndaǵy adamdar vırýs juqtyryp, jıi aýyra bastaǵan.
Aıta keteıik, bir táýlikte taǵy 37 adamnan koronavırýs ınfektsııasy anyqtaldy. Onyń 36-sy derttiń sımptomdy túrine shaldyqqan. Búginge deıin oblysta 33 myńnan astam adamnyń PTR synamasy oń mán kórsetse, onyń 97,3% jazyldy. Qazirgi tańda úı karantınine 8374 adam alynyp, olarǵa medıtsınalyq baqylaý júrgizilýde.


Сейчас читают