Aqtóbede 20 myń dollar berip, jumysynan aıyrylǵan sheneýnikke qatysty shý shyqty
AQTÓBE. QazAqparat - Aqtóbe oblystyq densaýlyq saqtaý basqarmasy basshysynyń orynbasary bolǵan Almat Ermaǵambetov qyzdaryn oqýǵa túsirip, jumysqa ornalastyrýǵa aqsha bergeni úshin jumystan qýylǵan bolatyn. Sot ony qaıta jumysqa ornalasý týraly aryzyn qanaǵattandyrmady. Birer aıdan soń ol jańa qyzmetke taǵaıyndalyp, daýdyń ortasynda qaldy, dep habarlaıdy QazAqparat tilshisi.
Aqtóbe oblystyq densaýlyq saqtaý basqarmasy basshysynyń burynǵy orynbasary Almat Ermaǵambetovtiń aınalasyndaǵy daýdan soń jumystan shyǵaryldy . Buǵan deıin habarlaǵanymyzdaı, №2 Aqtóbe qalalyq sotynda Qylmystyq kodekstiń «Alaıaqtyq» baby boıynsha is qozǵalyp, Almat Ermaǵambetov osy iste jábirlenýshi tarap bolyp qatysty. Ol 20 myń dollar berip, qyzdaryn oqýǵa túsirýge kómek beremin degen Botagóz Bıekenovaǵa aldanyp qalǵan . 
Sot úkimimen alaıaq áıel 3 jyl 3 aıǵa abaqtyǵa qamalǵan bolatyn . Al Almat Ermaǵambetov qoǵamdyq shýdyń ortasynda qalǵany úshin memlekettik qyzmetinen ketti. Keıin ol Aqtóbe oblystyq densaýlyq saqtaý basqarmasy janyndaǵy Aqtóbe medıtsına ortalyǵy mekemesine jumysqa ornalasqan bolatyn. Keıin taǵy shý shyqty.
«A. Ermaǵambetov osy jyldyń 24 shildesinen bastap «Aqtóbe medıtsına ortalyǵy» MKK keńes berý-dıagnostıka bólimi dırektorynyń orynbasary mindetin atqarýshy bolyp jumys istedi. Onyń mindetine menedjment suraqtaryn ázirleý men ınvestıtsııalyq jaǵdaıdy jaqsartý jumystary kirýi qajet bolatyn. Berilgen aryzǵa sáıkes Almat Ermaǵambetov atqaryp otyrǵan qyzmetinen bosatyldy»,- dep habarlady Aqtóbe-aqparat ortalyǵy.
