Aqtóbede 2 júk kóligi soqtyǵysyp, eki adam kóz jumdy
AQTÓBE. QazAqparat - Batys Qytaı - Batys Eýropa halyqaralyq dálizinde eki júk kóligi soqtyǵysty. Oqıǵa ornynda eki júrgizýshi kóz jumdy, dep habarlaıdy QazAqparat tilshisi.
Oqıǵa 9 qazan kúni boldy. «SHACMAN» avtokóliginiń 47 jastaǵy júrgizýshisi Mártók aýdanynan Aqtóbe qalasyna qaraı kele jatyp, rýlge ıe bola almaı qaldy. Saldarynan joldyń qarsy baǵytyna shyǵyp ketti.
«Kólik Aqtóbe qalasynyń 35 jastaǵy turǵynynyń basqarýyndaǵy «SHACMAN« avtokóligimen soqtyǵysqan. Apat saldarynan eki júrgizýshi oqıǵa ornynda qaıtys boldy. Aqtóbe oblysynyń polıtseıleri qozǵalystyń qaýipsiz jyldamdyǵyn tańdap, qarsy jolaqqa shyqqan kezde shuǵyl manevrden aýlaq bolýǵa shaqyrady»,- dedi oblystyq PD baspasóz kyzmetiniń jetekshisi Erbolat Sarqulov.
Aqtóbe-Atyraý tasjolynyń Alǵa aýdany Tamdy aýyly mańynda «ÝAZ-patrıot» avtokóliginiń júrgizýshisi qarsy kele jatqan kólikterge kedergi keltirmeıtinine kóz jetkizbeı basyp ozyp, «Lada - Largus» kóligimen soqtyǵysqan. Joldyń bul bóliginde jóndeý jumystary júrgizilip jatyr jáne ol týraly belgiler men qorshaýlar ornatylǵan.
Aıta keteıik, bıyl óńirde 374 jol-kólik oqıǵasy tirkeldi. Saldarynan 74 adam kóz jumsa, onyń 10-y – kámelet jasqa tolmaǵan balalar. Túrli jaraqat alǵandar sany 500-den asady.
Foto: t.me/POLICE_of_KZ
