Aqtóbede 2 jasóspirim lıftke qamalyp qaldy
AQTÓBE. QazAqparat - Aqtóbe qalasynda eki jasóspirim lıft ishinde 2 saǵat qamalyp qalǵan, dep habarlaıdy QazAqparat tilshisi.
«Keshe saǵat 23:50 shamasynda Aqtóbe qalasy, Ábylqaıyr han dańǵylynda ornalasqan kóp qabatty úıdiń 5-qabatyńda lıft isten shyǵyp, ishinde 2 bala qalyp qoıǵandyǵy jóninde aqparat kelip tústi. Shaqyrý ornyna oblystyq tótenshe jaǵdaılar departamentiniń jedel qutqarý jasaǵy quramynan 3 adam, 1 avtokólik jibirildi. Qutqarýshylardyn kúshimen lıft esigi ashylyp, 17 jáne 14 jastaǵy balalar qutqaryldy»,- dep habarlady oblystyq TJD baspasóz qyzmeti.
Eske salsaq, Aqtóbede lıftte qaılyǵy oqıǵa tirkelip, jýrnalıst Aızat Ábdisamat kóz jumdy. Keıin qaladaǵy kópqabatty úılerdiń lıftisi tekserýden ótti. Negizi Aqtóbede 776 lıft bar. Tekserý kezinde 25 jyldan beri jumys istep turǵan lıftter tizimge alyndy. Barlyǵy 139 kópqabatty turǵyn úıdegi 282 lıft tekserildi. Kóp zańsyzdyq anyqtaldy. Máselen, tekserilgen lıftiniń tek 18-de júrýge jaramdylyǵyn rastaıtyn tehnıkalyq qujaty bar. Al 113 lıftiniń tehnıkalyq tólqujaty bolmaı shyqty. Qazirgi kezde 56 lıftiniń ıesi joq, eshkim óz mindetine almaǵan. Barlyǵy 149 lıftini jóndeý qajet bolyp tur. Bir lıft jóndeýge de kelmeıdi. Al 22 lıft apatty jaǵdaıda toqtatyldy.
