Aqtóbede 2 myńnan astam bala sherýge qatysty
AQTÓBE. QazAqparat - Aqtóbede ótken merekelik sherýge 2 myńnan asa bala men jasóspirim qatysty, dep habarlaıdy QazAqparat tilshisi.
Halyqaralyq balalardy qorǵaý kúnine oraılastyrylǵan, «Máńgilik el» ıdeıasyn nasıhattaıtyn sharaǵa orta mektep, kolledj jastary men balabaqsha balalary qatysty. Olar sportta, ónerde úzdik oqýshylar. Rýhanı-adamgershilik, estetıkalyq, patrıottyq tárbıe berýdi kózdegen sherý shyǵarmashyl, sportta daryndy jastardy da jınady. «Balalar bul kúnge úlken daıyndyqpen kelgen. Olar bı bılep, skrıpkada oınap, dombyra tartty, halyqqa rýh beretin ánderdi oryndady. Qala oqýshylary ǵana emes, Mártók, Alǵa, Qarǵaly aýdandarynyń da jastary kelip, ónerlerin kórsetti»,- dedi oblystyq bilim basqarmasy basshysynyń bólim basshysy Batıma Aıtbaeva.
Aıta keteıik, sherý kezinde «Adaı» kúıi tartylyp, «Óz elim meniń» áni oryndaldy. «Balalardyń kórip, olar úshin maqtanyp otyrmyz. Bizdiń urpaǵymyz sanaly, bilimdi, daryndy, alǵyr. Olardyń bári de ata-ananyń ǵana emes, eldiń maqtanyshy, qýanyshy. Balalar kóshe boımen júrip ótken kezde qatysýshylar da, kórermender de jaqsy áser aldy. Elimizdiń tynyshtyǵy, qýanyshy buzylmasyn»,- dedi ardager ustaz Aınagúl Asanqyzy.
