Aqtóbede 2 balabaqsha ashyldy
AQTÓBE. QazAqparat - Aqtóbe qalasynda eki balabaqsha paıdalanýǵa berildi, dep habarlaıdy QazAqparat tilshisi.
Táýelsizdigi kúni qarsańynda Aqtóbede «Órken» damytý ortalyǵy men «Nurzerek» balabaqshasy ashyldy.
«Táýelsizdik alǵan kúnnen bastap Memleket basshysynyń saıasaty jas qazaqstandyqtardy básekege qabiletti tulǵa etip tárbıeleýge baǵyttaldy. Ótken 27 jyldyń ishinde sol úshin kóp jumys atqaryldy. Bir ǵana Aqtóbeniń ózinde 21 myńnan astam bala baryp júrgen 142 balabaqsha bar. Búginde qala balalaryn mektepke deıingi mekemelermen qamtý 98%, oblys aýdandary boıynsha 100%-dy quraıdy. Kelesi jyly Aqtóbede balalar mektepke deıingi bilimmen 100% qamtylady josparlanyp otyr. Jumysty atqarýǵa memlekettik-jekemenshik seriktestik aıasynda paıdalanýǵa berilgen ondaǵan balabaqsha septigin tıgizdi»,- dedi oblys ákimi Berdibek Saparbaev.
Aıta keteıik, «Órken» damytý ortalyǵynyń qurylysyna kásipker 500 mıllıon teńge jumsady. Ortalyq 1,5 jastaǵy balalardy da qabyldaıdy. Barlyǵy 200 balaǵa arnalǵan. Al Batys-2 aýdanynda ashylǵan «Nurzerek» balabaqshasy 170 orynǵa shaqtaldy. Joba quny - 560 mln teńge. Balabaqshalarda psıholog, logoped, qazaq, aǵylshyn jáne orys tilderiniń bólmeleri, qummen emdeý kabınetteri, gımnastıka zaly bar.
